Pemutus Baos/Keputusan Paruman Desa Melinggih
Tamblang.com - Om Swastyastu, titiang satmaka admin media niki jagi nyobiahang napi sane dados pamutus baos paruman desa melinggih, sane dados Notulen dane Patajuh Jero Dalang I Nyoman Separma, inggih punika.
PAMUTUS BAOS/KEPUTUSAN PARUMAN
Nemonin :
Dina/pinanggal : Anggara Wage Pahang, Tilem sasih Jiyesta, 27 Mei 2025
Galah : Dauh 11.30 - 13.00 Wita
Genah : Utama Mandala Pura Dalem desa adat Tamblang
Pamilet : Pengulun desa, Kerama Desa Melinggih, lan Prajuru
(Daftar hadir terlampir)
1. Indik wangunan Gedong Simpen
> Sampun kasungkemin atap nyane metumpang 3, manut sakadi sane sampun ketampi saking dumun (sakadi sane sampun wenten)
> Indik genah patung lan undagan nyane, sami nginutin sekadi sane sampun wenten kadi mangkin.
2. Indik Bale Sangkepan/Bale Pegat
> Kasungkemin ngelimbak(diperpanjang) ke teben/kauh mangde mresidayang sami kerama desa melinggih polih genah melinggih ring bale.
> Ukuran pegat bale, kealitang/diperkecil, sakewanten genah nyane mangde tetep di tengah - tengah pepegatan bale.
> Sampun kasungkemin taler indik genah melinggih dane jro Singgukan, ritatkala sangkep ring bale pegat, pacang kegingsirang,,pacang sareng melinggih ring bale sane luanan/danginan.
Antuk punika, polah palih upakara upacarane, pacang kekaryanang bakti piuning ring pura dalem lan bale pegat, napkala sangkep ring tilem sane a sasih pacang rauh (tilem sadha), ngelantur benjangne, karuntutin bakti piuning ring pura desa lan bale panjang.
3. Indik Genah Patirtan/Kolam ring Padmasana
> Sampun kasungkemin pacang ke icalang/ten wenten malih ring palinggih Padmasana, sakewanten patirtane punika, genah nyane pacang kagenahang ring sisi/samping taru jepun
4. Indik Pintu Peletasan saking Jabe Tengah ke Palemahan Merajapati
> Sampun kasungkemin genah nyane ring teben bale pegat(sisi dauhne), melikuk (mebordes) kelod, undag nyane melikuk kangin(ke arah kangin).
5. Indik Penataan ring Palemahan luan(sisi kangin) pura Dalem
> Sampun kasungkemin wantah ngaryanang bale banten, ten je bale pesandekan, anggen ngenahang sarana prasarana bebantenan ritatkala wenten upakara upacara ring pura Dalem.
> Rencana nyane, bangunan bale piasan sane ring utama mandala, seusan dibongkar, pacang kagenahang derika, anggen bale banten.
6. Indik Upakara Upacara ritatkala Ngewangun/Ngerti/Ngarti
> Sampun kasungkemin, ritatkala memargi wangunan ring pura Dalem, upakara upacara piodalan ring desa adat, ten pacang kemargiang ngawitin saking purnama karo ngantos ke purnama kesange, sakewanten upakara upacara pecaruan, pacang kemargiang sekadi patut.
> Upakara upacara ring soang soang kerama lan ring soang -soang dadya, memargi sekadi patut, sakewanten runtutan aturan sane ngangge suku pat ring pura Dalem, ten kemargian/tan kalugra
Posting Komentar untuk "Pemutus Baos/Keputusan Paruman Desa Melinggih"